Үй-бүлө, гендердик өнүктүрүү, социалдык жана балдар укуктарын коргоо боюнча улуттук кеңеш түзүлдү
Министрлер кабинетине караштуу үй-бүлө, гендердик өнүктүрүү, социалдык коргоо жана балдар укуктарын коргоо боюнча улуттук кеңеши түзүлдү. Тиешелүү чечимге министрлер кабинетинин төрагасы Акылбек Жапаров кол койду.
Улуттук кеңешти түзүүнүн максаты социалдык коргоо жана балдар укуктарын коргоо, нике жана үй-бүлө, аталык, энелик жана балалык институтун чыңдоого, гендердик басмырлоого жана зордук-зомбулукка каршы күрөшүү, турмуштук оор кырдаалга кабылган балдарды коргоого негизделген үй-бүлөлүк баалуулуктарды бекемдөө жана жайылтуу, аялдардын экономикалык мүмкүнчүлүктөрүн кеңейтүү, тынчтыкты жана коопсуздукту камсыз кылууда аялдардын ролун күчөтүүгө шарт түзгөн гендердик өнүгүүнү жана аялдар лидерлигин, социалдык жана аялдар ишкердигин колдоо маселелери боюнча чараларды ишке ашырууну координациялоо жана контролдоо болуп саналат.
Улуттук кеңештин түзүү социалдык, экономикалык жана укуктук маанилүү факторлор менен негизделген:
– Социалдык маселелерди чечүүдө комплекстүү мамиле: Мындай кеңешти түзүү комплекстүү стратегияларды жана программаларды иштеп чыгуу жана ишке ашыруу үчүн үй-бүлө, гендердик теңчилик, социалдык коргоо жана балдар укуктарын коргоо жаатында иш алып барган ар түрдүү уюмдардын күч-аракетин бириктирүүгө шарт түзөт;
– Балдардын укуктарын коргоо: Улуттук кеңеш бузууларды жоюуга жана балдардын жашоо шарттарын жакшыртууга багытталган саясаттарды жана программаларды иштеп чыгуу жана жайылтуу менен балдардын укуктарын коргоо жана алардын жыргалчылыгын камсыз кылууга багытталган негизги орган болушу мүмкүн;
– Гендердик теңчилик саясатын ишке ашыруу: Ал гендердик теңчиликке жетүүгө багытталган, анын ичинде, үй-бүлөдө, жумушта жана коомдо аялдар менен эркектердин тең укуктуулугун жактаган саясатты иштеп чыгуу жана ишке ашырууда маанилүү роль ойнойт;
– Социалдык коргоо инструменттерин түзүү: Улуттук кеңеш оор турмуштук кырдаалдагы үй-бүлөлөрдү колдоого, ошондой эле зордук-зомбулукка, басынтууга, же башка социалдык көйгөйлөргө туш болгон адамдарга жардам көрсөтүүгө багытталган социалдык коргоо чараларын иштеп чыгуу жана координациялоо менен алектениши мүмкүн;
– Мамлекеттик жана мамлекеттик эмес түзүмдөрдүн иш-аракеттерин координациялоо: Улуттук кеңеш үй-бүлө, гендердик өнүктүрүү, социалдык коргоо жана балдардын укуктарын коргоого байланыштуу көйгөйлөрдү чечүү боюнча иш-аракеттерди натыйжалуу координациялоону камсыз кылуу үчүн мамлекеттик органдар, эл аралык жана мамлекеттик эмес уюмдар, коомдук демилгелердин жана активисттердин кызматташуусу үчүн платформасы болушу мүмкүн.
