4 күндө 985 жаран лотереяда баалуу байге утуп алды. Бүгүн дагы 234 байге ойнотулат

Бүгүн, 29-декабрда – «Чек талап кылып, байге утуп ал!» кызыктыруучу лотереясынын байгелерин ойнотуунун бешинчи күнү.

Түз эфирдин жүрүшүндө 234 байге ойнотулат: 100 iPhone14, 100 смартфон, 30 ноутбук жана 4 Dyson фени.

Утуштар Салык кызматынын Facebook жана YouTube баракчаларынан түз эфирде көрсөтүлөт. Башталышы саат: 13.00.

Эскерте кетсек, 4 күндүк утушта 985 жаран баалуу байге утуп алды.

30-декабрда башкы байгелер: 10 батир, 11 электромобиль жана чет өлкөгө 4 жолдомо ойнотулат.

Утуштар саат 15:00дө УТРК, Ала-Тоо 24 каналдарында, ошондой эле Салык кызматынын Facebook жана Youtube баракчаларында түз эфирде көрсөтүлөт.