2050-жылга чейин Бишкекте 400дөн ашык бала бакча курулат
2050-жылга чейин борбор калаада жалпы долбоордук кубаттуулугу 101,8 миңден ашык орунду түзгөн 410го жакын муниципалдык мектепке чейинки билим берүү уюмдары курулат. Мындай маалыматтар Бишкек шаарынын Башкы планынын материалдарында келтирилген.
Учурдагы абал
Учурда борбор калаанын аймагында 20,1 миң орунга эсептелген 118 муниципалдык жана 2 ведомстволук бала бакча иштейт.
Нормативдик муктаждык
Бала бакчалардагы керектүү орундардын 2050-жылга карата эсеби төмөнкүлөрдүн негизинде жүргүзүлгөн:
- Камсыздоо нормативи — 1 миң тургунга 53 орун (2-5 жаштагы балдар үчүн 85% камтууда);
- Аймактык жеткиликтүүлүк принциби — турак-жай курулуштарынан 300 метрден ашпаган аралык.
2050-жылга карата райондор боюнча муктаждык
- Ленин району: учурдагы кубаттуулугу — 3,7 миң орун, нормативдик муктаждыгы — 33,0 миң орун;
- Октябрь району: учурдагы кубаттуулугу — 8,2 миң орун, нормативдик муктаждыгы — 41,7 миң орун;
- Биринчи Май району: учурдагы кубаттуулугу — 3,1 миң орун, нормативдик муктаждыгы — 27,1 миң орун;
- Свердлов району: учурдагы кубаттуулугу — 5,1 миң орун, нормативдик муктаждыгы — 22,1 миң орун;
- Бишкек боюнча жалпы: учурдагы кубаттуулугу — 20,1 миң орун, нормативдик муктаждыгы — 101,8 миң орун.
Пландуу курулуш
Башкы план боюнча төмөнкүдөй жаңы мектепке чейинки билим берүү мекемелерин куруу каралган:
- Ленин районунда — 29,3 миң орундуу 105 объект;
- Октябрь районунда — 33,5 миң орундуу 120 объект;
- Биринчи Май районунда — 23,9 миң орундуу 85 объект;
- Свердлов районунда — 17 миң орундуу 61 объект.
Ошентип, Башкы планды ишке ашыруу шаар тургундарын Бишкектин бардык турак-жай аймактарын камтыган заманбап жана жеткиликтүү мектепке чейинки мекемелер тармагы менен камсыз кылат.
