2024-жылы “Учкунда” Кыргызстандын 770 миңден ашуун паспорту даярдалган
“Учкун” акционердик коомунда 2024-жылдын май айынын декабрь айына чейин жалпы 770 миң 103 даана паспорт даярдалган. Бул тууралуу маалымат Жогорку Кенештин депутаттарынын “Учкун” акционердик коомунун жетекчилиги менен жолугушуусунда белгилүү болду.
Анда маалымдалгандай, анын 359 миң 221 даанасы жалпы жарандык паспорт, ал эми 410 миң 882 даанасы ID-карта.
Ошондой эле паспорт өндүрүү борборунда 27 жаңы жумушчу орун түзүлүп, кызматкерлер атайын окуудан өткөн.
Белгилей кетсек, 2023-жылы 484,9 млн сомго Германиянын BW Papersystem компаниясынан паспорт чыгаруучу жабдуу сатып алынып, учурда Кыргызстандын гана эмес чет өлкөлөрдүн да паспорттору даярдалууда.
Андан тышкары, акциздик маркаларды, окуу китептерин басып чыгаруу жана отунду маркалоо иштери кызуу жүрүп жаткандыгы белгилүү болду.
