12-13-мартта Бишкектеги ЖОЖдор, мектеп, бала бакчалар онлайн форматка өтөт
12-13-мартта Бишкектеги ЖОЖдор, мектеп, бала бакчалар онлайн форматка өтөт. Бул тууралуу Билим берүү жана илим министрлиги билдирди.
Маалыматка ылайык, Кыргызстанга Тажикстандын президентинин мамлекеттик иш сапары 2025-жылдын 12-13-мартында Бишкек шаарында өтө турганына байланыштуу, коопсуздукту камсыздоо жана иш-чараларды жогорку деңгээлде өткөрүү максатында, Бишкек шаарындагы төмөнкү багыттардагы билим берүү мекемелеринде окуу процесси дистанциялык режимде өткөрүлсүн:
– мектепке чейинки билим берүү уюмдары;
– мектептен тышкаркы жана кошумча билим берүү уюмдары (менчигинин түрүнө карабай);
– орто жана жогорку кесиптик билим берүү мекемелери (менчигинин түрүнө карабай).
Белгиленгендей, бул чечим көрсөтүлгөн иш-чаралардын өткөрүү мезгилинде күчүндө болот.
“Көрүлгөн коопсуздук чаралары билим берүү процесстериндеги ыңгайсыздыкты минималдаштырууга жана бардык катышуучулардын коопсуздугун камсыздоого өбөлгө түзүүгө багытталган”,-деп айтылат маалыматта.
