Өлкөдө ветеринардык кызмат көрсөтүүдөн 120 млн сом түштү

Ветеринария, мал чарбасын өнүктүрүү, жайыт жана тоют кызматы жыл башынан бери 120 млн сомдон ашык каражат чогултту.

Суу ресурстары, айыл чарба жана кайра иштетүү өнөр жайы министрлигинен билдиришкендей, атайын эсепке мамлекеттик кызмат көрсөтүүдөн республика боюнча 120 млн 989 миң сом акча каражаты түштү.

Анын ичинен:

• эмгек акыга – 61 млн 417,4 миң сом;
• социалдык фондго – 10 млн 594,5 миң сом;
• киреше салыгына – 6 млн 141,7 миң сом жумшалды.

Белгилесек, Ветеринария кызматтын быйылкы жылга карата атайын эсепке түшө турган каражаттар боюнча планы 200 млн 983,5 миң сомду түзөт.

Учурда бул көрсөткүчтүн 60 пайыздан ашыгы аткарылды.