Садыр Жапаров расмий сапар менен Италия жана Ватиканга жөнөп кетти
Президент Садыр Жапаров бүгүн, 2-октябрда расмий сапар менен Италия жана Ыйык Тактыга (Ватикан) жөнөп кетти.
Расмий сапардын жүрүшүндө жогорку деңгээлдеги эки тараптуу сүйлөшүүлөр күтүлүүдө, алардын жүрүшүндө кыргыз-италиялык өз ара мамилелердин бүтүндөй комплекси жана аларды өнүктүрүүнүн келечеги талкууланат.
Кыргызстандын расмий делегациясынын курамындагылар:
– тышкы иштер министри Жээнбек Кулубаев;
-президенттин администрациясынын тышкы саясат бөлүмүнүн башчысы Муратбек Азымбакиев;
– Кыргызстандын Италиядагы элчиси Таалай Базарбаев;
– башкы прокурор Максат Асаналиев;
– маданият, маалымат, спорт жана жаштар саясаты министри Алтынбек Максутов;
– юстиция министри Аяз Баетов;
– президенттин Иш башкаруучусу Каныбек Туманбаев;
-президентке караштуу Инвестициялар боюнча улуттук агенттиктин директору Талантбек Иманов;
– Бишкек шаарынын мэри Айбек Жунушалиев.
