Сүйүнбек Касмамбетов Казакстандын Кыргызстандагы элчиси Рапил Жошыбаев менен жолугушту
Кыргыз Республикасынын Мамлекеттик катчысы Сүйүнбек Касмамбетов бүгүн, 4-мартта, Казакстан Республикасынын Кыргыз Республикасындагы Атайын жана Ыйгарым Укуктуу Элчиси Рапил Жошыбаев менен жолугушту.
Тараптар маданий-гуманитардык чөйрөдөгү кыргыз-казак кызматташтыгынын актуалдуу жана учурдагы маселелеринин кеңири чөйрөсүн кылдат талкуулашты.
Жолугушуунун жүрүшүндө алдыдагы иш-чараларды жогорку деңгээлде уюштуруу жана даярдоо боюнча пикир алмашуу болду.
Аягында маданий-гуманитардык кызматташтыкты мындан ары да алдыга жылдыруу, тактап айтканда, биргелешкен пландарды жана долбоорлорду ишке ашыруу, анын ичинде эки мамлекеттин борбор калааларында эстеликтерди орнотуу боюнча эки жактын тең ниеттери айтылды.
