Республика боюнча 20 миңден ашык бала 1-2-класстарга катталды
Өлкөдө 2025-2026-окуу жылына карата 6-7 жаштагы балдарды 1-2-класстарга электрондук каттоо жүрүп жатат.
Билим берүү жана илим минстрлигинин маалыматына ылайык, 2025-жылдын 27-мартына саат 21.00гө карата “Түндүк”, MegaPay уюлдук тиркемелери аркылуу жана 1mektep.edu.gov.kg порталында республика боюнча жалпы 20 миң 323 бала 1-2-класстарга катталган. Анын ичинен 8 миң260 бала 1-класска, 12 миң 063 бала 2-класска катталган.
