Панфилов сейил багындагы окуяга шектүү катары 24 жаштагы жаран кармалды

Бишкек шаарындагы Панфилов сейил багындагы окуяга шектүү катары 24 жаштагы жаран кармалды. Бул тууралуу Биринчи май РИИБнин басма сөз кызматынан кабарлашты.

Милициянын маалыматы боюнча, окуя боюнча Тергөө кызматы тарабынан Кылмыш-жаза кодексинин 297-беренеси менен (“Керектөөчүлөр үчүн коркунуч түзүү”) кылмыш иши козголгон.

Тергөө жана ыкчам-издөө иштеринин жүрүшүндө кылмышка шектүү катары 24 жаштагы Ш.А. аттуу аттракциондун оператору кармалып, Бишкек ШИИББнин убактылуу кармоочу жайына киргизилди.

Азыркы учурда тергөө иштери уланууда.

Эске салсак, 31-мартта Биринчи май районунун аймагында жайгашкан Панфилов атындагы сейил бактагы аттракциондордун биринен 19 жаштагы кыз кулап, оор жаракат алып, ооруканалардын бирине жеткирилген.