Москва районундагы мыйзамсыз менчиктештирилген ипподром мамлекетке кайтарылды
Чүй облусунун Москва районундагы мыйзамсыз менчиктештирилген ипподром мамлекеттин менчигине кайтарылды. Бул тууралуу Улуттук коопсуздук мамлекеттик комитетинен билдиришти.
Атайын кызмат прокуратура органдары менен биргеликте текшерүү иш-чараларынын натыйжасында Москва районундагы 27,4 га жер тилкедеги мүлк комплекси, анын ичинде эки ат кана, чөп кана, кеңсе, трибунага жана эки кампага ээ болгон ипподромду мамлекетке кайтарылды.
Мыйзамсыз менчиктештирилгенге чейин бул объект асыл тукум жылкыларды таптоо жана идентификациялоо үчүн сыноочу ипподром катары колдонулуп, маданий-социалдык иш-чараларды өткөрүү үчүн маанилүү жай болгон.
Мындан тышкары, ипподромду жеке адамдар алгандан кийин алардын айрымдары аталган жер тилкени бөлүп, жеке турак жай куруу үчүн сатууну көздөшкөн.
Көрүлгөн чаралардын натыйжасында 2025-жылдын 28-мартында аталган ипподром Чүй облусунун Москва районунун Нарзан, а/а балансына кайтарылды.
