Кыргызстанга дээрлик 2 млн Өзбекстандын жараны турист катары келди
2025-жылдын алгачкы жети айында 2 миллионго жакын Өзбекстандын жараны Кыргызстанга турист катары барган. Бул тууралуу өлкөнүн Улуттук статистика комитети маалымдады.
Бул мезгилде жалпы 4,3 млн өзбекстандыктар чет өлкөгө саякатка чыккан, өсүш өткөн жылга салыштырмалуу 28% түздү.
Эң көп сапарлар коңшу өлкөлөргө жасалды: Кыргызстан – 1 918 904, Казакстан – 799 429, Тажикстан – 754 123 киши. Россияга 274 миңден ашык, Сауд Аравиясына 151 миң, Түркияга 141 миң, БАЭге 82 миң турист барган.
Азыраак туристтер Мисирге (38 миң), Вьетнамга (22 миң) жана Кытайга (20 миң) жол алышкан.
