Кыргызстанда бир жумада СOVID-19 инфекциясынын 10 учуру катталды
Кыргызстанда бир жумада, 17нен 24-апрелге чейин, СOVID-19 инфекциясынын 10 учуру катталды. Бул тууралуу Оорулардын алдын алуу жана мамлекеттик санитардык-эпидемиологиялык көзөмөл департаменти билдирди.
Алардын ичинен 4 бейтап ооруканага жаткырылган.
2023-жылдын 17-апрелинен 24-апрелге чейин тобокелдиктерди баалоо матрицасына ылайык, бардык аймактар жашыл зонада.
Акыркы жумадагы эффективдүү репродуктивдүү сан 1ден аз, бул өлкөдө COVID-19 боюнча туруктуу эпидемиологиялык абалды көрсөтүп турат.
2022-жылга жана 2023-жылдын 114 күнүнө карата жалпысынан COVID-19 инфекциясынын 22 128 учуру катталды, анын ичинен 20117 (91%) учур лабораториялык тастыкталган, ал эми 2011 (9%) учуру клиникалык-эпидемиологиялык тастыкталган.
