ЕАӨБ: Январь-март айларында Кыргызстандын ИДПсынын өсүшү 13,1% денгээлинде бааланды
Евразия өнүктүрүү банкынын акыркы баяндамасына ылайык, Кыргызстандагы банктар тарабынан берилген насыялардын көлөмү 2025-жылдын январь-март айларында былтыркы жылдын ушул мезгилине салыштырмалуу 48,6%га өскөн.
ЕАӨБтүн аналитиктеринин баамында коммерциялык банктардын кредиттик портфелинин өсүшү негизинен керектөө насыялардын 2,1 эсеге өсүшүнө байланыштуу. Жарандар насыяны батир, унаа, эмерек сыяктуу узак мөөнөттүү товарларды сатып алуу үчүн гана эмес, уюлдук телефон, тиричилик техникасы сыяктуу муктаждыктарды сатып алуулар үчүн да алышат.
Ошондой эле соода насыясы да 27,6%га өскөн. Белгиленгендей, жарандарга товар, кызмат көрсөтүүлөрдү же буюмдардын акчаларын алдын ала төлөбөстөн, товар жеткирүүчүлөргө, кызмат көрсөтүүчүлөргө акчаны бөлүп төлөө пайдалуу болуп калды. Ушундай жол менен сатып алуучу товарды колдонуп, баанын бир бөлүгүн гана төлөө менен андан пайда көрө алат.
Ошентип, керектөө насыялардын жогорку чендерине суроо-талап өсүүдө. Январь-март айларында ички соода 10,5%, ал эми мейманканалар жана ресторандар көрсөткөн кызматтардын көлөмү 25,1% өстү. 2025-жылдын биринчи чейрегинде ИДПнын өсүшү былтыркы жылдын ушул мезгилине салыштырмалуу 13,1% деңгээлинде болжолдонууда.
Евразия өнүктүрүү банкынын маалыматы боюнча, керектөө активдүүлүгү жалпысынан 2025-жылга чейин экономиканын кыймылдаткыч ролун сактап калат.
