Бишкекте Кыргызстан менен Азербайжандын ортосундагы мамлекеттер аралык кеңештин I жыйыны өтүүдө

Бишкектеги «Ала-Арча» мамлекеттик резиденциясында Кыргызстан менен Азербайжандын ортосундагы мамлекеттер аралык кеңештин биринчи жыйыны өтүүдө.

Иш-чара Азербайжандын президенти Ильхам Алиевдин Кыргызстанга болгон мамлекеттик сапарынын алкагында өтүп жатат.

Белгилей кетсек, Кыргызстан менен Азербайжандын президенттери Садыр Жапаров жана Ильхам Алиев расмий жолугушуу, биргелешкен сүрөткө түшүү аземинен кийин эки өлкө ортосундагы мамлекеттер аралык кеңештин биринчи жыйынынын тар курамдагы отурумуна катышуу үчүн залга өтүштү.