Акылбек Жапаров Бишкек шаарындагы бир катар объектилердин курулушунун жүрүшү менен таанышты

Министрлер Кабинетинин Төрагасы-Кыргыз Республикасынын Президентинин Администрациясынын Жетекчиси Акылбек Жапаров Бишкек шаарындагы бир катар объектилердин курулушунун жүрүшү менен таанышты.

Тактап айтканда, «Алга» спорт комплексиндеги курулуш иштеринин жүрүшү менен таанышты.  Ошондой эле аймакта футболдук аянтча, эки машыгуучу аянтча, трибуналар жана башка инфраструктуралар бар.

Андан ары Акылбек Жапаров «Тазалык» муниципалдык ишканасынын базасында болуп, ага сатып алынган жаңы атайын техникалар, анын ичинде 20 даана мини-чаң соргуч, 15 даана трактор, 4 даана самосвал, 2 даана траулер чиркегичи, 10 даана универсалдуу комбайн, 13 таштанды ташуучу, 2 сугат машинасын көрсөтүштү.

Мындан тышкары, «Бишкек санитардык полигону» муниципалдык ишканасынын аймагында катуу тиричилик калдыктарын кайра иштетүү жолу менен электр энергиясын өндүрүүчү экотехнологиялык заводдун курулушунун жүрүшү менен таанышты.  Долбоордун алкагында суткасына 3000 тоннага чейин таштанды чыгаруучу станция куруп, электр энергиясын өндүрүү пландалууда.  Долбоорго жалпы инвестициянын көлөмү болжол менен 95 миллион долларды түзөт.  Заводдун курулушун 2025-жылдын аягына чейин бүтүрүү пландалууда.

Текшерүүнүн жыйынтыгы боюнча Министрлер Кабинетинин Төрагасы курулуш иштеринин сапатына жана өз убагында бүткөрүлүшүнө өзгөчө көңүл бурууну тапшырды.