“Айыл чарбасын каржылоо” долбооруна каралган 3,3 млрд сом толугу менен өздөштүрүлдү
“Айыл чарбасын каржылоо” долбоорун ишке ашырууну улантуу максатында Кыргыз
Республикасынын Министрлер Кабинетинин 2023-жылдын 27-февралындагы
№72-т тескемеси менен “Айыл чарбасын каржылоо – 11” долбоору бекитилген.
Бул долбоорду ишке ашырууга республиканын 2 коммерциялык банкы катышкан.
Кредиттөөнүн көлөмү 3,3 млрд сом суммасын түзгөн.
2023-жылдын 7-декабрына карата аталган Долбоордун алкагында республиканын 7 339 айылдык товар өндүрүүчүлөрүнө 3 300,0 млн сом суммасында жеңилдетилген кредит берилди.
Бүгүнкү күндө бул долбоор толугу менен өздөштүрулду .
