Кыргызстанда электрондук түрдө 105 миңден ашык бала 1-класска катталды

Үстүбүздөгү жылдын 8-апрелинен 16-июлуна чейин балдарды мектепке кабыл алуунун бирдиктүү маалыматтык системасына республика боюнча 105 миң 517 бала катталды.

Билим берүү жана илим министрлигинен билдиршкендей, авнын ичинен облустар жана шаарлар боюнча:

• Ош облусу – 19 126 бала катталды;
• Жалал-Абад облусу – 18 965;
• Чүй облусу – 17 590;
• Баткен облусу – 10 388;
• Ысык-Көл облусу – 8182;
• Нарын облусу – 4805;
• Талас облусу – 4372;
• Бишкек шаары – 15 993;
• Ош шаары – 6096.

Учурда анык жашаган жери боюнча (факт боюнча) mektep.edu.gov.kg платформасында мектеп жашына жеткен балдарды (6-7 жаш) онлайн каттоо жүрүүдө.

Каттоо 30-августка чейин созулуп, балдарды платформага ата-энелер же мыйзамдуу өкүлдөр каттай алат.

Бишкек шаарындагы бош орундар бар мектептердин тизмеси – пдф (файл).