Кыргызстандын түштүк аймактарында сел жүрүү коркунучу жогору

Өзгөчө кырдаалдар министрлиги алдыда күтүлүп жаткан нөшөрлүү жаан-чачынга байланыштуу шашылыш билдирүү таратты.

Кыргызгидромет кызматынын маалыматына ылайык, бүгүн, 28-майда күндүн экинчи жарымында Баткен облусунда тоолуу жана тоо этектериндеги райондорунда, 29-30-майда Ош, Жалал-Абад жана Баткен облустарынын тоолуу жана тоо этектериндеги райондорунда сел жүрүшү мүмкүн, республиканын дарыяларында суунун деңгээли көтөрүлүшү күтүлөт.