Бишкектин мэриясында жаңы мэр тааныштырылды

Бишкек шаарынын мэриясында кадрдык өзгөрүүлөр болду.

Кыргыз Республикасынын Президенти Садыр Жапаровдун Жарлыгына ылайык, Абдыкадыров Эмилбек Мырзакулович башка ишке өткөндүгүнө байланыштуу Бишкек шаарынын мэринин кызматынан бошотулду.

Кыргыз Республикасынын Президенти Садыр Жапаровдун башка Жарлыгы менен Жунушалиев Айбек Джанышбекович Бишкек шаарынын мэри болуп дайындалды.