Бишкекте бир эле кесилиштен ишембиликте 400 мүшөк таштанды чыгарылды
Бишкек шаарынын мэриясынын «Тазалык» муниципалдык ишканасы Президент Садыр Жапаровдун Жарлыгына ылайык «Жашыл Мурас» акциясын ишке ашырууда.
Өткөн дем алыш күндөрү Аалы Токомбаев менен Жукеев-Пудовкин көчөлөрүнүн кесилишинде “Тазалык” ишканасы менен Кыргыз мамлекеттик медициналык академиясы биргеликте ишембилик өткөрүштү.
Белгилей кетсек, ага жалпысынан 300гө жакын студент катышып, 400 мүшөк таштанды чогултулган.
Үч айдын ичинде “Тазалык” муниципалдык ишканасы ыктыярчылар менен биргеликте 50дөн ашык ишембилик өткөрдү. Жалпысынан 2000 ыктыярчынын жардамы менен 3000ге жакын мүшөк таштанды чыгарылды.
