Өзгөн шаарында заманбап бала бакча ачылды
Кыргыз Республикасынын Президентинин Ош облусундагы ыйгарым укуктуу өкүлү Эльчибек Джантаев Өзгөн шаарындагы №8 «Айла» мектепке чейинки билим берүү мекемесинин ачылышына катышты.
Өзгөн шаарынын тургундары көптөн күткөн мектепке чейинки билим берүү уюмунун ачылышынын аркасында балдарын сапаттуу билим менен камсыз кылуу мүмкүнчүлүгүнө ээ болушту.
Ачылышта Ош облусунун башчысы Эльчибек Джантаев сөз сүйлөп, билим берүүнүн баштапкы этабында балдарга заманбап жана ыңгайлуу шарттарды түзүүнүн маанилүүлүгүн белгиледи. Ал ошондой эле жергиликтүү тургундарды бала бакчанын ачылышы менен куттуктап, бул мекеме келечек муундун билим алуу, ойноо жана өстүрүү үчүн эң сонун жайга айланат деген ишенимин билдирди.
• Каржылоо булагы: Жергиликтүү бюджет
Жаңы мектепке чейинки билим берүү мекемесинин ачылышы облустун билим берүү тармагын өнүктүрүүдө маанилүү кадам болуп саналат.
