Бишкекте жыл соңуна чейин таштанды иргөөчү 15 жаңы пункт ачылат

Учурда Бишкекте таштанды сорттоочу 25 пункт иштеп жатат. Жыл соңуна чейин алардын санын 40ка жеткирүү пландалууда. Бул тууралуу борбор калаанын мэри Айбек Жунушалиев шаардагы объектилерге уюштурулган пресс-турдун жүрүшүндө билдирди.

Бүгүн мэр шаардын 4-кичи районундагы таштанды сорттоочу пунктка барып, анын иши менен таанышты.