Орточо айлык дээрлик 54 миң сомго жетти
2026-жылдын январь-июнунда республикада кызматкерлердин орточо айлык эмгек акысы 53 миң 759 сомду түздү.
Улуттук статистика комитетинин маалыматына ылайык, бул көрсөткүч 2025-жылдын январь-июнуна салыштырмалуу 27,5 пайызга өскөн.
Айлык акынын эң жогорку өсүшү искусство, көңүл ачуу жана эс алуу тармагында – 49,2 пайыз, саламаттыкты сактоо жана социалдык тейлөөдө – 43,7 пайыз, билим берүү тармагында – 42 пайыз болгон.
Ошондой эле айыл чарба, токой чарбасы жана балык уулоочулукта айлык акы 36,1 пайызга, кесиптик, илимий жана техникалык ишмердикте 33,1 пайызга жогорулаган.
