Албаниянын президенти Байрам Бегай Кыргызстанга расмий сапары менен келди

Албаниянын президенти Байрам Бегай бүгүн, 17-июнда Кыргызстанга расмий иш сапары менен келди.

Жогорку даражалуу меймандын учагы “Ысык-Көл” эл аралык аэропортуна конду.

Флагштоктордо эки өлкөнүн туулары илинип, килем төшөлүп, Ардак кароол тизилген.

Сапардын алкагында эки лидер Садыр Жапаров менен Байрам Бегайдын сүйлөшүүлөрү, ошондой эле маданий иш-чараларга катышуусу мерчемделген.