Таласта катуу шамал бир катар үйлөрдү зыянга учуратты
1-июнда Талас облусунда катталган катуу шамал бир катар турак үйлөрдүн жана имараттардын чатырын учуруп кетти. Бул тууралуу ӨКМдин облустук башкармалыгынан билдиришти.
Табигый кырсыктын кесепеттери төмөнкүдөй катталды:
Талас шаарында:
- Көп кабаттуу үйлөрдүн, “Аква” лабораториясынын жана “Эконом” дүкөнүнүн чатырлары учкан;
- Манас көчөсүндө көп кабаттуу үйдүн чатыры кулап, жол жээгинде токтоп турган эки унааны басып калган.
Талас районунда:
- Көк-Токой айылында эки турак үйдүн чатыры, дарбазасы жана эшиктери сынып, жараксыз абалга келген.
Бакай-Ата районунда:
- Боо-Терек айылындагы маданият үйүнүн 18 чарчы метр чатыры жабыркаган.
“Учурда кырсык болгон жерлерде тиешелүү кызматтар тазалоо жана калыбына келтирүү иштерин кызуу жүргүзүп жатышат. Жергиликтүү бийлик тарабынан келтирилген чыгымдардын көлөмү такталууда”,-деп айтылат маалыматта.
