Бишкек менен Чүйдө унаа кыймылына чектөө киргизилет

28-30-апрель күндөрү Бишкек шаарынын жана Чүй облусунун аймагында унаа кыймылына убактылуу чектөөлөр киргизилет.

Жол кыймылынын коопсуздугун камсыздоо башкы башкармалыгынан билдиришкендей, мындай чара Того Республикасынын министрлер кеңешинин төрагасы Фора Эссозимна Гнассингбенин Кыргызстанга болгон иш сапарына байланыштуу көрүлүүдө.

Расмий делегациялардын өтүүсү учурунда төмөнкү жол тилкелери чектөөгө алынат:

• “Манас” эл аралык аэропортунан Фучик көчөсү аркылуу Чүй проспектисине чейин;
• Чүй проспектиси;
• Жусуп Абдрахманов көчөсү;
• Манас проспектиси.

“Бул күндөрү чет өлкөгө же өлкөнүн башка аймактарына барууну пландаган жарандарга “Манас” эл аралык аэропортуна, темир жол бекетине жана Бишкек шаарынын Батыш автовокзалына алдын ала баруу, ошондой эле жол тыгындарына кабылбай, каттамдарга кечикпөө үчүн жүрүү маршруттарын алдын ала пландаштыруу сунушталат”, – деп айтылат маалыматта.