Президент Жапаров Вашингтондо Борбор Азия – АКШ саммитине (C5+1) катышуу үчүн Ак үйгө келди
Кыргыз Республикасынын Президенти Садыр Жапаров бүгүн, 6-ноябрда, АКШга жумушчу сапарынын алкагында Вашингтондо өтүүчү Борбор Азия – АКШ саммитине (С5+1) катышуу үчүн Ак үйгө келди.
Мамлекет башчысын Ак үйдүн протокол башчысы Моника Кроули тосуп алды.
Кыргызстандын Президенти Садыр Жапаров менен АКШнын Президенти Дональд Трамптын эки тараптуу жолугушуусу, ошондой эле Борбор Азия – АКШ саммити (C5+1) башталаар алдында Президент ардактуу коноктор китебине жазуу калтырды.
