Кыргызстан 7 айда Өзбекстанга 580 тонна күрүч экспорттоду
2025-жылдын жети айында Өзбекстан Кыргызстандан 580 тоннадан ашуун күрүч импорттогонун өлкөнүн Статистика мамлекеттик комитети маалымдады.
Маалыматка ылайык, көрсөтүлгөн мезгил ичинде Өзбекстан жалпы 6,5 миң тонна күрүчтү 2,9 млн долларга сатып алган.
Бул көлөмдөгү күрүч 13 ар кайсы мамлекеттен жеткирилген. Негизги күрүч жеткирүүчүлөр катары Казакстан (4,3 миң тонна), Индия (1,1 миң тонна), Кыргызстан (582 тонна), Пакистан (186 тонна), Кытай (66 тонна) жана башка өлкөлөр (289 тонна) көрсөтүлдү.
