Кыргызстандыктар “Түндүк” тиркемеси аркылуу 35 миллиондон ашык онлайн кызмат алышты

Санариптик өнүктүрүү жана инновациялык технологиялар министрлиги жарандардын жашоосун жеңилдеткен санариптик кызматтарды сунуштады.

Ведомствонун маалыматы боюнча, “Түндүк” электрондук ведомстволор аралык өз ара аракеттенүү тутумуна 350 катышуучу — мамлекеттик органдар жана коммерциялык уюмдар интеграцияланган. Бүгүнкү күнгө чейин 5 миллиарддан ашык маалымат алмашуу ишке ашкан.

Ошондой эле “Түндүк” мамлекеттик электрондук кызматтар порталы жана мобилдик тиркемеси аркылуу 179 кызмат ишке ашырылып, жарандар 35 миллиондон ашык онлайн кызмат алышкан.