Армениядан башка ЕАЭБдин бардык өлкөлөрүндө баалар жогорулады
2025-жылдын июль айында ЕАЭБге мүчө бардык мамлекеттерде керектөө баалары жана тарифтер жогорулады, бирок Арменияда тескерисинче, 0,8 пайызга төмөндөгөн.
Улуттук статистикалык комитеттин маалыматы боюнча, Кыргызстанда баалардын 0,6 пайызга өсүшү кызмат көрсөтүүлөргө тарифтердин 1,3 пайызга жогорулашы менен шартталган.
2025-жылдын июль айында 2024-жылдын декабрына салыштырмалуу Казакстанда экономиканын керектөө секторунда инфляциянын эң жогорку деңгээли – 7,7 пайызга катталды. Бул азык-түлүк товарларынын баасынын 8,4 пайызга, азык-түлүк эмес товарлардын баасынын 5,3 пайызга, ошондой эле кызмат көрсөтүүлөргө тарифтердин 9,2 пайызга жогорулашы менен түшүндүрүлөт.
