Төө-Ашуудагы туннелдин кире беришине унаа токтотуучу жай курулат

Төө-Ашуудагы Кусеин Көлбаев атындагы туннелдин айланасын иретке келтирүү иштери активдүү башталды.

Транспорт министрлигинен билдиришкендей, учурда аталган тилкеде подрядчы компания тарабынан атайын техникалар тартылып, жер негизин даярдоо иштери активдүү жүрүүдө.

Бишкек — Ош авто жолунун аталган тилкесин капиталдык оңдоо долбоорунда туннелдин кире беришине унаа токтотуучу жайлар, эс алуу аймактары жана сүрөткɵ тартуу зоналары, ыңгайлуу шарттар менен даараткана куруу пландалууда.