Оштогу жер титирөөдө 25 үй, 12 мектеп жабыркаган
Оштогу жер титирөөдөн жабыркаган имараттар аныкталды. Бул тууралуу Өзгөчө кырдаалдар министрлигинен билдиришти.
Ош облусунун аймагында катталган жер титирөөнүн кесепетинен дубан боюнча жалпы:
– 25 турак үй;
– 12 мектеп;
– 1 бала бакча;
– 1 үй-бүлөлүк дарылоо тобу жабыркаган.
Алай району боюнча:
– 13 турак үй;
– анын ичинен 1 турак үй кооптуу.
Ал эми, Жаңы-Алай айылында турак үйлөрдүн дубалдарында жаракалар пайда болгон.
Жерине райондук жарандык коргонуу комиссиясы тартылып, турак үйлөрдөгү эски жаракалар жер титирөөдөн чоңойгондугун аныкташып, акт түзүлгөн. 7 турак үй камсыздандыруудан өткөн, 6 турак үй камсыздандыруудан өткөн эмес.
Ал эми Кара-Суу району боюнча:
– 12 мектеп;
– 12 турак үй;
– 1 бала бакча;
– 1 үй-бүлөлүк дарылоо тобу.
Жоош айыл аймагынан:
– 7 мектеп;
– 1 бала бакча;
– 1 турак үйдүн,
Ала-Тоо айыл аймагынан 1 мектептин,
Датка айыл аймагынан 3 мектептин,
Мады айыл аймагынан 7 турак үй, 1 үй бүлөлүк дарылоо тобу,
Савай айыл аймагынан 1 мектеп, 3 турак үйдүн,
Баш-Булак айыл аймагынан 1 турак үйдүн дубалында жаракалар пайда болгон.
“Жерине райондук жарандык коргонуу комиссиясы тартылып, турак үйлөрдөгү эски жаракалар жер титирөөдөн чоңойгондугун аныкташып, акт түзүлгөн. 4 турак үй камсыздандыруудан өткөн, калган үйлөр камсыздандыруудан өткөн эмес”,-деп айтылат маалыматта.
