Коргоо министрлигинин кампасында турган 4 млн сомдук материалдык баалуулуктар уурдалганы аныкталды
- Укук тартиби
admin
- 0
- 1 мүнөт окуу
Коргоо министрлигинин кампасында турган 4 млн сомдук материалдык баалуулуктар уурдалганы аныкталды. Бул тууралуу Башкы прокуратурадан маалымдашты.
Кыргыз Республикасынын Аскер прокуратурасы тарабынан Кыргыз Республикасынын Коргоо Министрлиги менен биргеликте Бишкек турак-жай пайдаланууну камсыздоо базасында жүргүзүлгөн текшерүүнүн жүрүшүндө, борбордук кампасында сактоодо турган 4 млн сомго бааланган материалдык баалуулуктарды мыйзамсыз ыйгарып алуу фактысы аныкталды.
Бул факт боюнча Аскер прокуратурасы тарабынан Кылмыш-жаза кодексинин 337-беренеси (кызмат абалын кыянаттык менен пайдалануу) жана 210-беренеси (ишенип берилген мүлктү ыйгарып алуу же коротуу) боюнча кылмыш иши козголду.
Учурда мамлекетке келтирилген зыяндын ордун толтуруу иштери менен бирге кылмышка тиешелүү башка адамдарды аныктоо боюнча тергөө аракеттери жүргүзүлүүдө.
