Мамлекеттик ипоткалык компания уставдык капиталын 3,5 млрд сомго көбөйттү
“Мамлекеттик ипотекалык компания” ААК уставдык капиталын 3,5 млрд сомго көбөйтүүнү чечти. Мындай чечим акционерлердин 29-октябрдагы жыйынында кабыл алынганын Кыргыз фондулук биржасынан билдиришти.
Документте 3 млрд 503,8 млн сом “Мамлекеттик ипотекалык компания” ААКтын жөнөкөй акцияларынын кезектеги чыгарылышын каттоо жана жайгаштыруу жолу менен жүгүртүүдөгү жөнөкөй акциялардын санын көбөйтүүгө жумшала тургандыгы айтылат:
Ошондой эле жыйында “Мамлекеттик ипотекалык компания” ААКты Кыргызстандын юстиция органдарынан кайра каттоо жол-жобосун жүргүзүү жана өзгөртүүлөрдү эске алуу менен уставын бекитүү чечими кабыл алынды.
