2023-жылдын 9 айында «МЭА» ААК 4 миллиондон ашык жүргүнчүнү тейледи
2023-жылдын 9 айында «Манас» эл аралык аэропорту» ААК 4 миллион 181 миң 490 жүргүнчүнү тейледи. Эл аралык каттамдарда 2 миллион 991 миң 414 жүргүнчү, ички каттамдарда 1 миллион 190 миң 076 жүргүнчү учту.
Өткөн жылдын ушул мезгилине салыштырмалуу бул көрсөткүч дээрлик 50%га өскөн.
Көрсөтүлгөн мөөнөттө «Манас» эл аралык аэропорту» ААКда 32 миң 190 каттам аткарылган. Алардын ичинен эл аралык – 22 515, ички – 9 675.
