Өзбекстандык «Silk Avia» авиакомпаниясынын Ташкент-Ысык-Көл багыты боюнча каттам салтанаттуу түрдө тосуп алынды
2023-жылдын 5-августунда «Ысык-Көл» эл аралык аэропортунда Ташкент-Ысык-Көл-Ташкент багыты боюнча жаңы каттам салтанаттуу түрдө тосуп алынды.
Салт боюнча «Silk Avia» авиакомпаниясынын ATR 72-600 учагын суу аркасы менен тосуп алышты.
Ташкенттен жаңы каттам менен «Ысык-Көл» эл аралык аэропортуна 56 жүргүнчү учуп келсе, 56 адам кайра Ташкентке учуп кетмекчи.
Белгилей кетсек, бул жаңы Өзбекстандык «Silk Avia» авиакомпаниясынын биринчи эл аралык каттамы. Биздин өнөктөштөр биринчи чет элдик каттам катары «Ысык-Көл» эл аралык аэропортун тандап алганына абдан кубанычтабыз. Келечекте биз менен боордош элдин ортосундагы жаңы карым-катнаштын башталышы гана деп ишенебиз.
