Өлкөдө жыл башынан бери 110 чакырымдан ашык жол асфальтталды
2026-жылдын башынан бүгүнкү күнгө чейин өлкө аймактары боюнча жалпы 110,2 чакырым жолго асфальт-бетон катмары төшөлдү.
Транспорт жана коммуникациялар министрлигинен билдиришкендей, былтыр ушул мезгилге карата 40 чакырым жол асфальтталган.
“Битум менен 15 миң тонна камсыздалды. Сатып алынган битумдар асфальт-бетон заводдоруна чейин жеткирилүүдө”, – деп айтылат маалыматта.
Белгилей кетсек, жалпысынан Титулдук тизмеге кирген региондордогу бардык унаа жолдорунда иштер планга ылайык аткарылууда.
