Улуттар арасындагы ынтымакты бузам дегендер катуу жазаланат — Ташиев
Улуттар арасындагы ынтымакты бузам дегендер катуу жазаланат. Бул тууралуу Улуттук коопсуздук боюнча мамлекеттик комитеттин төрагасы Камчыбек Ташиев Сузак районунда эл менен болгон жолугушууда билдирди.
УКМК төрагасы 2010-жылдагы окуялар эч качан кайталанбай тургандыгын баса белгиледи.
“Кыргызстан көп улутту мамлекет. Эки элди чабыштырууга мындан ары жол бербейбиз. Кыргыз-өзбек түбөлүктүү ынтымакта жашашы керек. Ага шарт түзүү биздин милдет. Улут болуп, жердеш болуп эч качан бөлүнбөшүбүз керек. Мыйзам алдында баары бирдей”, – деди Камчыбек Ташиев.
