МБКнын кызматкерлери тарабынан бажы мыйзам бузуу фактысы аныкталды. Мамлекетке 4,5 млн сомдон ашык зыян келтирилген

МБКнын контрабандага каршы күрөшүү боюнча башкы башкармалыгы КР УКМКнын 6-башкы башкармалыгы менен биргеликте бажылык укук бузуу фактыларын аныктады.

2022-жылдын аралыгында Түркия Республикасынан «П.С.С.И.Т» ЖЧКсынын дарегине «PD 500» маркасындагы 6 бургулоочу машиналар келген жана алар «Убактылуу ташып келүү» жол-жобосу боюнча бажы шарттарында таризделгени аныкталган.

Бирок кийинчерээк «Убактылуу ташып келүү» жол-жобосунда каралган мөөнөттөр бузулуп, натыйжада Кыргыз Республикасынын бюджетине туумдарды кошпогондо 4 503 340 сом зыян келтирилген.

Факт КБР МКЖ АДСке катталып, чогултулган материалдар процессуалдык чечим кабыл алуу үчүн КР Башкы прокуратурасына өткөрүлүп берилди.