Бишкекте муниципалдык жерлерге чыгып кеткен объектилер буздурулууда
Бишкек шаарынын мэриясынын Жер пайдаланууну контролдоо боюнча башкармалыгы Манас айылы көчөсүндөгү мыйзамсыз орнотулган тосмолорду алуу иштерин жүргүзүүдө.
Буга чейин шаардык кызматкерлер тарабынан жүргүзүлгөн комиссиялык иликтөө учурунда, жер тилкеси муниципалдык аймактын эсебинен 375 чарчы метрге кеңейтилгени аныкталган. Кеңейтилген аймакта капиталдык курулуштар, тосмолор үчүн фундамент жана тиешелүү документтери жок гараж курулган.
Чыгыш тарабында көчө боюнда 1,10 м чатыр менен капиталдык тосмо орнотулган. Восточная көчөсү 1 дарегинин батыш тарабында 14,20 метр жер тилкеси жана көчө жээгинде чатыры менен капиталдык тосмо курулган. Восточная көчөсүндө 1/3 дарегинде жер тилкесинин чыгыш тарабынан 14,20 м, батыш тарабынан 11,20 м. кеңейтилген.
Мындан тышкары, Манас айылы көчөсүндөгү 1/3 дарегинде муниципалдык аймакка чыккан пандус жана Манас айылы көчөсү 15 дарегинде капиталдык тосмо алынган.
Ыктыярдуу негизде Восточная көчөсү 1/4 дарегинде жайгашкан 4 кабаттуу турак жайдын темир тосмолору жана чатыры демонтаждалды.
