Бишкекте жаңыланган Ала-Тоо аянтынын расмий ачылыш аземи өттү

Бүгүн Бишкек шаарында борбордук Ала-Тоо аянты реконструкциялоо иштеринен кийин расмий ачылды.

Салтанттуу иш-чарага Бишкек шаарынын мэри Айбек Жунушалиев катышып, шаардыктарды борбордук аянттын жаңылануусу менен куттуктады. Саамалык эстрада жылдыздарынын катышуусундагы концерттик программа жана майрамдык салют менен коштолду.

Реконструкциялоо иштеринин алкагында аянтта жаңы фонтандар, анын ичинде беш шаркыратма орнотулган. Эски таш плиталар алмаштырылып, тепкичтин кызыл гранити реконструкцияланган: калыңдыгы 5 сантиметрге чейин бөлүнүп, тегизделип, гранит плиталары төшөлүп, Кыргызстанда биринчи жолу бий жана жалындуу фонтандар пайда болду.

Белгиленгендей, уурулуш иштерин “Эталон вин Спец Строй” ЖЧКсы жүргүзгөн.

Мындан сырткары, борбордук аянтта, Түркиядан алынып келинген жаңы 100 метрлик флагшток жана желек орнотулган.

Эске салсак, Ала-Тоо аянты 1984-жылы Кыргыз ССРинин түзүлгөндүгүнүн 60 жылдыгына карата курулган.