Кыргыз-тажик чек арасында жер титирөө катталды

Кыргыз-тажик чек арасында 28-апрелде саат 19:28де очогунда күчү 3 баллга жеткен жер титирөө катталды.

КР Улуттук илимдер академиясынын Сейсмология институтунан билдиришкендей, жер титирөөнүн очогу Кыргызстан менен Тажикстандын чек арасында, атап айтканда Бор-Дөбө айылынан түштүк-батышка карай 12 чакырым, Ош шаарынан түштүк-чыгышка карай 125 км аралыкта жайгашкан.

Кыргызстандын калктуу пункттарында жер титирөөнүн күчү сезилген эмес.