“Сосновка” постунда жана Өтмөк ашуусунда жүк ташуучу унааларга чектөө киргизилди
“Сосновка” постунда жана Өтмөк ашуусунда оор жүк ташуучу унааларга чектөөлөр киргизилди. Бул тууралуу Жол кыймылынын коопсуздугун камсыздоо башкы башкармалыгынан билдиришти.
Маалыматка ылайык, мындай чектөө кар жаап, аба-ырайынын кескин өзгөрүүсүнө байланыштуу киргизилди. Чектөөнүн алынышы боюнча кошумча маалымат берилет.
ЖКККББ алыскы жолго чыккан айдоочулардан жолго чыгаарда алдын ала пландап, аралыкты сактап, ылдамдыкты азайтып, баардык коопсуздук эрежелерин так сактоону өтүнөт.
