Улуттук фтизиатрия борбору жөнүндө жобо бекитилди

Саламаттык сактоо министрлигине караштуу Улуттук фтизиатрия борбору жөнүндө жобо бекитилди.

Тиешелүү токтомго саламаттык сактоо системасындагы илимий ишмердүүлүктү өркүндөтүү максатында КР министрлер кабинетинин төрагасы Акылбек Жапаров кол койду.

Борбор жогорку технологиялык жабдууларды, илимдин алдыңкы жетишкендиктерин пайдалануу менен фтизиатрия тармагында адистештирилген саламаттыкты сактоону камсыз кылуучу, жогорку квалификациялуу медициналык кадрларды тартуу жана дарылоо-профилактикалык, агартуучулук иш-чараларды жүргүзүүчү жогорку деңгээлдеги саламаттык сактоонун мамлекеттик диагностикалык, дарылоочу, билим берүү жана фундаменталдык жана прикладдык медицина тармагындагы ишмердүүлүк, илимий изилдөө уюму болуп саналат.