Садыр Жапаров Санкт-Петербургга барды
Кыргыз Республикасынын Президенти Садыр Жапаров бүгүн, 24-декабрда, Санкт-Петербург шаарына иш сапары менен барды.
Мамлекет башчынын борту “Пулково” эл аралык аэропортуна конду.
Президент Садыр Жапаровду Санкт-Петербургдун губернатору Александр Беглов жана башка расмий адамдар тосуп алышты.
Эскерте кетсек, Мамлекет башчысы Жогорку Евразия экономикалык кеңештин кезектеги жыйынына жана Көз карандысыз Мамлекеттер Шериктештигине кирген өлкөлөрдүн жетекчилеринин бейформал жолугушуусуна катышат.
