Турцияда “Финико” каржы пирамидасын уюштургандардын бири кармалды – уюмдун ишмердигинен $1.4 млн зыян тартылган

ИИМдин Интерполу менен Турциянын ИИМдин Интерполу биргеликте жүргүзгөн ыкчам – издөө иш-чараларынын натыйжасында 2022-жылдын ноябрында эл аралык издөө жарыяланган 43 жаштагы С.А. аттуу жаран кармалды.

Аталган шектүү Бишкек шаардык Ички иштер башкармалыгы тарабынан өзгөчө ири өлчөмдөгү алдамчылык, кылмыш коомчулугун түзүү жана ага катышкандыгы үчүн изделип жаткан.

Буга чейин ИИМдин Интерполу Грузия жана Россия Федерациясынын Интерполу менен биргеликте кылмыштарга катышкандыгы үчүн Кыргыз Республикасынын Э.М. (Тбилиси шаарындагы №8 түрмөсүндө камакта, КР Башкы прокуратурасы менен бирдикте экстрадициялоо маселелери иштелип жатат), А.Ч. (Россиядан Кыргызстанга экстрадицияланган) жана чет мамлекеттин жараны Д.К. шектүү өз мамлекетинин аймагында жасалган ушундай эле кылмыштарды жасагандыгы үчүн эркиндигинен ажыратуу жайларында кармалып турат.

Чет мамлекеттин жараны Д.К. жарандардын акча каражаттарын алуу жана мыйзамсыз ээлеп алуу максатында финансылык кызмат көрсөтүү шылтоосу менен алдоо жана ишенимди кыянаттык менен пайдалануу жолу менен оор жана өзгөчө оор кылмыштарды жасоого багытталган туруктуу кылмыштуу топту түзгөн. Тактап айтканда, “Финико”аттуу каржы компаниясын уюштурган.

“Финико” компаниясынын курамына Кыргыз Республикасынын жарандары Э.М., А. Ч., С.А., Р.С., Л.Н., К.М. аттуу жарандар кирген, алар кылмыштуу топтун аймактык жетекчилери болуп дайындалган.

2019-2021-жылдар аралыгында жогорудагы адамдар уруксат берүүчү документтери жок Бишкекте 17 кеңсе жайын мыйзамсыз ачышкан.

Республиканын аймагында ишмердлгн жргзп, жалпы суммасы 1 283 414 АКШ долларын жана 5 764 980 сомду түзгөн өзгөчө ири өлчөмдөгү акча каражаттарын ээлеп алышкан.