2024-жылы КМШга төрагалык кылуу Россияга өтөт

2024-жылдын 1-январынан тарта Көз карандысыз Мамлекеттер Шериктештигинин органдарына төрагалык кылуу Россия Федерациясына өтөт. Бул тууралуу жыйындын кеңейтилген курамында КМШнын башкы катчысы Сергей Лебедев билдирди.

“КМШга төрагалык кылуу маселеси каралды. Делегациялардын башчылары 2024-жылы Шериктештикке төрагалык кылууну Россия Федерациясына өткөрүп берүү чечимин кабыл алды. Ал эми Кыргызстан жана Тажикстан теңтөрагалык кылат”, – деди ал.