“Кыргызавтожол” МИге 2026 жылга чейин 4,8 млрд сом бөлүү каралган
2022-жылы жол инфраструктурасын өнүктүрүү үчүн республикалык бюджеттин эсебинен 20 миң тонна битум жана 32 жол куруу техникасы алынган.
«Кыргызавтожол» мамлекеттик ишканасынын жол-курулуш техникасынын паркын жаңылоо максатында Кыргыз Республикасынын Министрлер Кабинети 2026-жылга чейин жалпы суммасы 4,8 млрд сомго жол куруу техникасын жана жабдууларын сатып алуу чечимин кабыл алган. Ал эми 2023 жылга Жол фондунун эсебинен жол инфраструктурасын өнүктүрүүгө 1,3 млрд сом суммасында каражат бөлүү каралган.
