Бишкекте үй тибиндеги бала бакчага 700гө жакын бала барууда

Билим берүү жана илим министрлиги 2023-жылдын 23-июнуна карата “Өкмөттүк акселераторлор” программасынын “Кыргыз Республикасында мектепке чейинки билим берүү кызматтарын көрсөтүүдөгү тоскоолдуктарды кыскартуу жана балдарды мектепке чейинки билим берүү менен камтууну жогорулатуу” долбоорунун алкагында үй тибиндеги 31 бала бакча ачылып, аларга 700гө жакын бала барып жаткандыгын маалымдайт.

Кыска мөөнөттүү окуудан өткөн 504 адам мектепке чейинки билим берүү кызматтарын көрсөтүү жөнүндө сертификат алса, 166 жаран аталган багытта жеке ишкер катары Мамлекеттик салык кызматынан каттоодон өттү.

Ал эми учурда 677 адам онлайн окутуудан өтүүдө.